Skype

Allir eru velkomnir á Skype fund.
Gsa fundir á skype eru á mánudögum kl 20-21

Það sem þarf að gera til að komast á skypefund er að hafa aðgang
að tölvu með skype forritinu og mikrafóni. Síðan slærð þú
“gsa.skypefundir” inn í leit í forritinu og biður um aðgang.
Næst þegar gsa.skypefundir skráir sig inn færðu samþykki og getur
tekið þátt í fundum.

Hringjari loggar sig inn á gsa.skypefundir kl 19:45. Þá sjá þeir
sem ætla að mæta að “GSA.skypefundir” er online og skrá sig í
spjallgluggann. Gott er að dagsetning sé látin fylgja
innskráningunni hverju sinni til að fyrirbyggja að farið sé
vikuvillt.

Kl 20:00 setur hringjari þá sem hafa skráð sig í hóp kvöldsins og
hringir út. Þeir sem ætla að mæta svara hringingunni en hringja
ekki sjálfir inn.

Skypefundur gengur þannig fyrir sig að þegar þátttakendur eru
komnir inn á fundinn setja þeir mikrafóninn sinn á mute og hafa hann
þannig nema þegar þeir ætla að tala á fundinum.

Ritari setur möntruna, sporin 12 og æðruleysisbænina inn í
spjallgluggann og þáttakendur setja nafnið sitt þar líka. Ritari
stýrir síðan fundinum samkvæmt fundarformi deildarinnar.

Stundum er leiðari á fundinum og talar þá í 15 mínútur, en ef
enginn leiðari fæst þá les ritari kafla úr AA lesefni í 15
mínútur.

Að því loknu býður ritari þátttakendum að tjá sig og er þá
farið eftir þeirri röð sem þeir hafa skráð sig inn á fundinn.
Ritari ákveður tíma fyrir tjáningu eftri fjölda þátttakenda
hverju sinni, oftast 2-5 mínútur.

Ritari biður fundargesti að lesa sporin og æðruleysisbænina og
fundi er slitið á hefðbundinn hátt skv fundarformi.

Að loknum fundi er nýliðum boðið að doka við og spjalla við
nýliðafulltrúa um fundina og samtökin.

Þriðja mánudag í mánuði er samviskufundur að loknum hefðbundnum
fundi. Fundinn sitja þeir sem tilheyra deildinni og vilja taka þátt
í mótun hennar. Á fundinum er kosið í embætti og teknar
ákvarðanir um breytingar á fundarformi og tilhögun funda sé þess
þörf.

Við sem sækjum fundi í skype deild viljum hvetja alla til að prófa
að koma á fund. Þetta er kjörin leið til að stunda fundi hvar sem
maður býr á landinu eða í heiminum. Einnig er þetta góður
kosturþegar maður er á ferðalagi og kemst ekki á sinn venjulega
fund, nú eða á ekki heimangengt af einhverjum ástæðum en langar
að eiga stund með GSA félögum.

Alltaf er hægt að hafa samband við nýliðafulltrúa utan funda til
að fá frekari upplýsingar, netfang nýliðafulltrúa er
gsanylidi@gmail.com